MISJON: Han drøymde om å verta fotballspelar, men enda opp som lærar og deretter misjonær.
I dag leier Arne Kristoffer Haaland ein organisasjon som vil gjera yrkeslivet til misjonsmark – verda over.
I to år har Arne Kristoffer Haaland vore dagleg leiar i misjonsorganisasjonen Tent Noreg.
I sin ungdom hadde mannen ein draum om å verta fotballspelar, men etter kvart la han draumen på hylla og utdanna seg til lærar i staden. Sidan har han stilt til teneste i både skuleverket og misjonsbransjen.
I dag kombinerer han pedagogikk og engasjementet for misjon i rolla som dag¬ leg leiar i Tent Noreg; ein organisasjon som arbeider for å integrera truslivet i arbeidslivet.
Les meir om organisasjonen Tent lenger nede i saka.
«Gudfeldig»
Den kristne misjonsorgansisasjonen Tent International vart etablert i år 2000 og markerer i haust sitt 25-årsjubileum. Tent Noreg vart formelt etablert fyrst i 2019, med eige kontor i Bergen, kjent som Tenthuset. Her har Arne Kristoffer Haaland sin arbeidsplass som dagleg leiar for organisasjonen.
Haaland fortel at det ikkje var tilfeldig, men snarare gudfeldig, at han enda opp i denne jobben. Før dette hadde han arbeidd i Senegal som utsending for Ungdom i Oppdrag. Då han kom heim att sommaren 2023, visste han ikkje heilt kva han skulle ta seg til.
Trass i at han har utdanning og røynsle som lærar, freista det lite å gå attende til klasserommet. Han kunne tenkja seg å halda fram med misjonsarbeid, og då Tent Noreg lyste ut stillinga som dagleg leiar, kjende han at det var rett å søkja.
– Det var eit bønnesvar at egfekk denne jobben,seier han.
Disippel i arbeidslivet
I det daglege administrerer Haaland utleige av Tenthuset til bryllaup, konfirmasjon, dåp og kursing for å nemna noko. Han reiser dg rundt til kyrkjelydar for å fortelja om Tent sitt arbeid, med eit mål om at fleire skal få augo opp for såkalla teltmakarmisjon.
Det er eit hårete mål, men visjonen til Tent er å ha minst éin kristen på kvar studiestad og på kvar arbeidsplass i heile verda.
Men kva er eigentleg kjernen i teltmakarmisjon?
– Det handlar om å vera ein disippelikvardagen, uansett kva yrke ein har. Du er send av Gud og med intensjon. Når du utfører jobben din, tener du dg Gud med dei evnene, kunnskapane og nådegåvene du har. I Tent ynskjer me visa at det er mogleg å integrera trua i arbeidslivet, noko også Paulus gjorde, då han fi¬ nansierte tenesta si ved å laga telt. Ein treng altså ikkje vera prest for å driva misjon gjennom yrket sitt, seier Haaland.
Tent trur altså at arbeidsplassen er ein fullverdig arena for misjon – kanskje til og med ein av dei mest effektive i vår tid.
Difor framhevar organisasjonen at vanlege menneske i vanlege jobbar kan leva ut trua si i kvardagen, gjennom å byggja relasjonar og vera kristne vitne i måten dei lever, jobbar og er til stades på.
Misjon i utlandet
Når det gjeld å driva teltmakarmisjon i utlandet, peikar Haaland på at det i mange land ikkje er lov med klassisk misjon. Derimot kan der vera trong for fagfolk, til dømes lækjarar, sjukepleiarar, ingeniørar eller tømrarar.
I slike tilfelle kan ein reisa inn i eit land som fagperson – og samstundes vera ein berar av evangeliet, men i det stille og gjennom nære relasjonar, som til dømes kollegaer, naboar eller vener ein får gjennom opphaldet.
Treng fleire folk
I tillegg til undervisning og informasjonsarbeid i kyrkjelydar, jobbar Haaland med å skaffa fleire gjevarar. Men han vonar og å få inn fleire medarbeidarar til det folketomme kontoret i Tenthuset.
Per i dag er det han som tek seg av det meste: utleige, kommunikasjon, innsam¬ ling og praktisk drift av organisasjonen. Marknadsføring i sosiale medium står framleis på ynskelista.
– Eg har eigentleglitt for mange arbeidsoppgåver ogskulle gjerne hatt eit større team rundt meg. Samstundes er Tent framleis i ein etableringsfase, seier han.
Fakta om Arne Kristoffer Haaland
44 år. Frå Bergen, bur i Arna Dagleg leiar i Tent Noreg. Utdanna lærar, med historie som hovudfag og fransk som tilleggsfag. Gift med ein sjukepleiar. Saman har dei fire born – tre søner og ei dotter.
Fritid: trening, turgåing, fotball, historie, familietid
Personlegdom: ekstrovert, sosial, frimodig
Om Tent
Tent er ein kristen misjonsorganisasjon som utrustar menneske til å kombinera jobb og tru i land der tradisjonell misjon er vanskeleg.Dei kaller dette teltmakarmisjon – inspirert av apostelen Paulus, som livnærte seg som teltmakar medan han delte evangeliet.Derav det engelske Tent, som tyder telt.Tent såg dagsens ljos i 2000, grunnlagd av ekteparet Steinar og Birgit Opheim. Idéen oppstod nokre år tidlegare under deira teneste som teltmakarar i Aserbajdsjan, men sjølve organisasjonen vart registrert i Noreg 11. november 2000.Etter kvart etablerte dei kontor og fekk samarbeidspartnarar i Asia, Afrika og Latin-Amerika.I 2019 vart Tent Noreg etablert som eiga avdeling for å styrkja det nasjonale arbeidet, det vil seia å utrusta og senda ut norske teltmakarar.I 2023 vart Arne Kristoffer Haaland dagleg leiar for Tent Noreg.
Kjelder: tent.no og tentinternational.org
Denne artikkelen ble skrevet av Gunnhild Lønning og stod først på trykk i Dagen 22. juli 2025.
